ДВА СВЕТА ЕДНА ЉУБОВ

Твојот пат,
започнал на другата страна од светот. 
Јас и Ти, 
двајца а една душа, 
наутро милувај ме со сончевиот зрак, 
навечер допри ме со месечината. 

Биди птица долетај до мене, 
излези, искради се од твојот живот. 
Незнам душава од кај ми доаѓа, 
Но, знам каде сака да биде, знам што сака. 

Не ја одложувај љубовта, 
нејзиното постоење е најубав дар. 
Заедно да ја пиеме зората, 
заедно да го вечераме зајдисонцето, 
ѕвездите да нѐ гледаат, да ни се радуваат. 

Страст, копнеж, љубов, 
извор на убавини во нас да тече. 
Да го доживееме Божественото. 
Да ги збуниме двата света. 

Љубовта да ни стане оган, 
околу мене, околу тебе, 
да нѐ чува само еден за друг. 
Овде на земјата, 
во бескрајната слатка величественост,  
изгубени во вечноста, бесконечноста.

Ти си моја чудесна тајна!

B.Chelik
*Сите права се задржани