Page 18 - RIVISTA NOIQUI AGOSTO 2021

'O NOMME EDUARDO

( Il nome Eduardo )
Sant' Eduardo era nu rignante , però poco cunusciuto ,
'o nomme suoje si festeggia il 13 ottobre e 'stu Santo .
Vita e opere di Eduardo no maje nisciuno l' ha saputo ,
addò isso è nnato , e chistu Santo po' addò 'e crisciuto .
Però è stato nu Santo , c' 'o nomme , passate ll' anne ,
cunusciuto , pecchè isso doppo mettette 'a "supponta"
a tanta ggente 'mportante , illustre , passanno ll' anne :
Ggente da museca , cinema e varietà , ca overo conta !
Comm' infatte , e chistu nomme , Eduardo , nun esiste
"n' ommo qualunque" tutte ggente di riguardo degne
figlie 'e 'sta città ossequiate e rispettate songhe chiste :
E' stato Scarpetta, fuje D' albono, di Capua , e l' insigne
Nicolarde , cu Scarfoglio , me fermo pe' nun jènghere
chistu foglio ! Doppo 'a trapassata schiera ca nisciuno
po' scurdà , 'sta 'o maestro Eduardo Alfieri , ca è overo
nu grande musicista ca s' addà apprezzà , ca qualcuno ,
comme 'a mme , ca ha avuto modo 'nzieme e ce faticà .
E arrivanno finalmente al traguardo, mo' io ve presento
n' ommo overo di riguardo ca Napule ha fatto decantà
dint''e cinema e triate cu film e varietà sempre presente :
EDUARDO DE FILIPPO cu cchelli fussette scavate 'nfaccia ,
cu cchella vucella aggrazziata e fine c''a resella bonaccia ,
ha tenute pe' anne , l' amata Napoli soja dint'' e braccia !
Mo' me pare do vedè da chillu barcunciello ca s' affaccia !!!
GRAZIE , maestro EDUARDO , da te tanti ccose ci' avimme
'mparà , chi recita e chi scrive è ppure nuje comme avimma
campà...Starraje sempre presente pure si passarranno anne .....
Si stato pe' nnuje nu pate , ecco, mo' n'abbraccio te manno !!!

CIRO TROCCIOLA

18

periodico mensile del gruppo NOIQUI